थानकोट ।

स्क्राबल क्लब काठमाण्डौ संयोजकको जिम्मेवारी पुन: बुद्ध गौतमले पाएका छन् ।

नेपाल स्क्राबल क्लबको केन्द्रीय समितिको निर्णय अनुसार गौतमलाई दोश्रो पटक काठमाण्डौ अध्यक्ष बनाइएको क्लबका केन्द्रीय अध्यक्ष केशव प्रसाद पराजुली बताए।

गौतमले नेपाल स्क्राबल क्लबको केन्द्रीय समितिमा स्वयंसेवक परिचालन संयोजकको जिम्मेवारी समेत पाएका छन्।

स्क्राबल काठमाडौंलाई केन्दीय समितिको संरचनाअनुसार नै विस्तार गरि क्लबलाई प्रभावकारी रूपमा विस्तार गर्न गाैतमले प्रतिबद्धता जनाएका छन् । अन्य पदाधिकारीको टुंगो भने केहि समयपछि हुने बताइएको छ । 

गत माघ ४ देखि ६ गतेसम्म चन्द्रागिरि नगरपालिका नैकापस्थित ब्राइट फ्यूचर माविमा पहिलोपटक अन्तरार्ष्ट्रिय स्क्राबल च्याम्पियनसीप सम्पन्न भएपछि यस खेलको सन्दर्भमा सबैमा बढेकोले यसलाई सबै सामु लैजान आवश्यक रहेको स्क्राबल क्लब नेपालका केन्द्रीय कोषाध्यक्ष पूर्ण बहादुर रानाले बताए ।