थानकाेट, फागुन २० ।

चन्द्रागिरि नगरपालिका १५ तीनथाना निवासी समाजसेवी बसन्तलाल महर्जनको उपचारका क्रममा बिहीबार भारतमा निधन भएको छ ।
पारिवारिक श्रोतले दिएको जानकारी अनुसार दिवंगत महर्जनको शुक्रबार स्थानीय विष्णुदेवी घाटमा दाहसंस्कार गरिनेछ । स्वर्गीय महर्जन काठमाण्डाै क्षेत्र नं. ९ बाट नेपाली काँग्रेसको महाधिवेशन प्रतिनिधिमा चयन हुनुभएको थियो । उहाँका छोरा नविन महर्जन नेपाली काँग्रेस चन्द्रागिरि नगर कमिटिको सचिव हुनुहुन्छ ।

यसैबीच अगुवा बसन्तलाल महर्जनको निधनमा सामाजिक सञ्जालमा शुभेच्छुकहरूले दुःख व्यक्त गर्नुभएको छ ।