थानकोट ।

चन्द्रागिरि नगरसँग सीमा जोडिएको धादिङस्थित धुनिवेशी नगरपालिकाले नयाँ विद्यालय खाेल्ने,कक्षा तथा तह थप गर्ने र विषय थप गर्ने अनुमतिका लागि निवेदन पेश गर्न सूचना जारी गरेको छ ।

मंगलबार जारी सूचना अनुसार नगरको शिक्षा ऐन २०८० को परिच्छेद २ को दफा ३ बमोजिम नगरमा नयाँ विद्यालय खोल्न अनुमति लिनुपर्ने व्यवस्था रहेको छ ।
नगरले २०८१ साल देखि पठन पाठन सञ्चालन गर्ने गरी नयाँ विद्यालय वा बाल विकास केन्द्र खोल्न वा कक्षा तथा तह थपका लागि समेत यहि पुस मसान्तभित्र नगरमा निवेदन पेश गर्न सूचना जारी गरेको हो ।