थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ । चन्द्रागिरि नगरका वडा नं. १, २, ३ र ४ को मतगणना सकिएको छ ।

अहिले चन्द्रागिरि ५, ६ र ७ महादेवस्थानको  मतगणना जारी छ ।

पछिल्लो विवरण अनुसार चन्द्रागिरि नगरको मेयरमा नेपाली काँग्रेसले अग्रता बढाएको छ । चन्द्रागिरि ५ र ६ मा नेपाली काँग्रेसले हालसम्म क्रमश ८०४ र ७४१ मत पाएको छ भने नेकपा एमालेले मेयर पदमा यी वडामा क्रमश ५१२ र ४९७ मत पाएको छ । समग्रमा नेपाली काँग्रेसले कुल ६०६२ मत सहित मेयर पदमा अग्रता कायम गर्दा नेकपा एमालेले ४०७६ मत सहित पछ्याइरहेको छ ।