थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ । चन्द्रागिरि नगरका वडा नं. १, २, ३ र ४ को मतगणना सकिएको छ ।

प्राप्त  पछिल्लो मत परिणाम अनुसार चन्द्रागिरि ४ मा नेपाली काँग्रेसको प्यानल विशाल मतान्तरसहित विजयी भएको छ । कृष्णप्रसाद खड्गीको प्यानलले चन्द्रागिरि ४ मा विरासत जारी राखेको हो । खड्गीले १४२४ मत हात पार्दा नेकपा एमालेका उम्मेदवारले ७७६ मत पाए ।

यस वडामा २७३८ मत खसेको थियो भने वडाध्यक्ष पदमा पाँच दलको उम्मेदवारी परेको थियो । मतपरिणाम अनुसार दोश्रो भएका नेकपा एमालेका उम्मेदवार लेमन श्रेष्ठले फेसबुकमा नेपाली काँग्रेसका उम्मेदवार र उनको तस्बिर श्यर गर्दै विजयी उम्मेदवारलाई बधाई दिएका छन् ।

जुन हार्दिकताको सामाजिक सञ्जालमा व्यापक स्वागत गरिएको छ ।

स्थानीय तह निर्वाचनः उम्मेदवारहरूबीच हार्दिकता