थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ । चन्द्रागिरि नगरका वडा नं. १, २ र ३ को मतगणना जारी रहँदा केही वडाको अन्तिम परिणाम बाहिरिएको छ । जसअनुसार चन्द्रागिरि १ को वडाध्यक्ष पदमा नेपाली काँग्रेसका उम्मेदवार विजयी भएका छन् । यस वडामा काँग्रेसका २ तथा नेकपा एमालेका २ सदस्य निर्वाचित भएका छन् । यस वडामा नेपाली काँग्रेसका हरिश्याम रानामगरले वडाध्यक्ष विजयी भएका हुन् । गत स्थानीय निर्वाचनमा नेकपा एमालेका राजेन्द्र केसीले वडाध्यक्ष पदमा जित हासिल गरेको चन्द्रागिरि वडा नं. १ दहचोकमा यसपटक केसी पराजित भएका छन् ।