थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ ।

चन्द्रागिरि नगरपालिका वडा नं.  १ को १ हजार ४ सय मत गणना हुँदा मेयर पदमा नेकपा एमालेका उम्मेदवार उत्तम बहादुर राउतले ७१२ मत प्राप्त गर्दा नेपाली काँग्रेसका घनश्याम गिरीले ५०९ मत पाएका छन् । राप्रपाका अजय श्रेष्ठले ६० मत पाएका छन् ।

वडाध्यक्ष पदमा नेकपा एमालेका राजेन्द्र केसीले ७२५ मत पाउँदा नेपाली काँग्रेसका उम्मेदवारले  ४९९ मत पाएका छन् । त्यस्तै राप्रपाका उम्मेदवारले  ६३ मत पाएका छन् ।

१ हजार ४ सय मत गणना भइसक्दा यस वडाबाट उम्मेदवारी दिएका नेकपा एमालेका सबै उम्मेदवारहरूले ७ सय मत कटाएका छन्।