थानकोट ।

चन्द्रागिरि नगरकै सर्वाधिक पुरस्कार राशिको छैटौं नैकाप गोल्डकप फुटबल प्रतियोगितामा सहभागी हुने चन्द्रागिरि नगरपालिका-५ आकाशटोलको क्लिन भिजन युनिटीलाई प्रभु बैंक गुर्जुधारा शाखाले सहयोग रकम उपलब्ध गराएको छ ।

सोमबार गुर्जुधारा शाखाका प्रबन्धक सुविर घलेले सो क्लब अध्यक्ष भक्तलाल श्रेष्ठलाई सहयोग उपलब्ध गराएका हुन् ।

चन्द्रागिरि नगरपालिका-१४ स्थित नैकाप फुटबल मैदानमा सञ्चालन हुने छैटौं संस्करणको नैकाप गोल्डकप प्रतियोगिताको उद्घाटन खेल असोज २७ गते शनिबार तथा फाइनल खेल कार्तिक २५ गते शनिबार खेलाइने तालिका रहेको छ ।

प्रतियोगितामा बढीमा ३२ टोलीको सहभागिता रहने बताइएको छ ।