थानकोट ।  

काठमाडाैंका नीजि तथा आवासीय विद्यालयहरूको संगठन प्याब्सनले आयोजना गरेको तीज विशेष नृत्य प्रतियोगितामा चन्द्रागिरि नगरपालिका-११, सतुङ्गलस्थित जेसिस इन्टरनेसनल स्कुलले दोश्रो स्थान हात पारेको छ ।

बुधबार राष्ट्रिय नाचघरमा आयोजित सो प्रतियोगितामा सहभागी भएका कुल ६५ विद्यालयहरू मध्ये २२४ अंक पाँउदै जेसिसका छात्राहरूले सो सफलता हासिल गरेका हुन् । कुल  २२८ अंक पाएको भ्याली भ्यू स्कुलले पहिलो स्थान प्राप्त गर्यो ।

प्रतियोगितामा सांस्कृतिक संस्थानका मनोज जोशी, केशराज राई तथा रेखा कटुवालले निर्णायकको भूमिका निभाएका थिए । 

प्रतियोगितामा विजयी तथा सहभागी विद्यार्थीहरूलाई प्रतिनिधि सभाका उपसभामुख इन्दिरा राना तथा प्याब्सनका राष्ट्रिय अध्यक्ष डीके ढुङ्गाना लगायतले  पुरस्कार तथा प्रमाणपत्र वितरण गरेका थिए । 

तीज पर्वका अवसरमा प्याब्सलने विगत १० वर्षदेखी नृत्य प्रतियोगिता आयोजना गर्दै आएको छ।