थानकोट । 

चन्द्रागिरि नगरपालिका १० सतुगंलस्थित काठमाडाैं शिक्षा क्याम्पसमा अध्ययनरत सानुमाया थिङले भारतमा सम्पन्न अन्तराष्ट्रिय कराँते प्रतियोगितामा स्वर्ण पदक जितेकी छिन् । 

थिङले नयाँ दिल्लीमा यही साउन २६ गतेबाट २८ गतेसम्म आयोजित स्वतन्त्रता कप अन्तराष्ट्रिय कराँते च्याम्पियनसीप-२०२३ मा स्वर्ण पदक जितेको बताइएको छ । उनले व्यक्तिगत काँता विधामा सो पदक चुमेकी हुन् । यसैगरी प्रतियोगितामा प्रविन मानन्धरले पनि स्वर्ण पदक जितेका छन् ।

चन्द्रागिरि-१० बोसिगाउँस्थित धनबहादुर खेलकुद प्रतिष्ठानमा सितेरियो कराँते डोजोमा प्रशिक्षार्थी थिङ नेपाली सेनाको क्लबसँग आबद्ध छिन् ।