थानकोट ।

चन्द्रागिरि नगरपालिका-१० सतुगंलस्थित काठमाडाैं शिक्षा क्याम्पसमा शुक्रबार रक्तदान शिविर सम्पन्न भएको छ।

काठमाडाैं शिक्षा क्याम्पस पूर्व विद्यार्थी समाजको आयोजनामा भएको सो शिविरमा ३४ जनाले रक्तदान गरेको क्याम्पस प्रशासनले जनाएको छ।

ग्रान्डी अन्तरार्ष्ट्रिय अस्पतालको प्राविधिक सहयोग एवं लायन्स क्लब अफ काठमाडाैंं इन्द्र अन्नपूर्ण योगासँगको सहकार्यमा सञ्चालित सो शिविरमा मुख्यतः क्याम्पसका विद्यार्थीहरू तथा शिक्षक कर्मचारीहरूको सहभागिता रहेको क्याम्पस प्रमुख शत्रुध्नप्रसाद गुप्ताले जानकारी दिनुभयो ।

शिविरमा सहभागी अधिकांश विद्यार्थीहरूले पहिलोपटक रक्तदान गरेको बताए ।

सो क्रममा चन्द्रागिरि नगरपालिका १० सतुगंलका वडाध्यक्ष शिवकुमार महर्जनको समेत उपस्थिति रहेको थियो ।

चन्द्रागिरि नगरबासीलाई निःशुल्क रगत, रक्तदान शिविर गर्दा प्रति रक्तदाता २ सय रूपैयाँ सहयोग

काठमाडाैं शिक्षा क्याम्पसले अतिरिक्त एवम् सह-क्रियाकलापका माध्यमबाट विध्यार्थीहरुमा अन्तरनिहीत प्रतिभाको प्रस्फुटन गराउँदै विविध व्यक्तित्वको विकास गराउने उद्देश्यले हरेक शुक्रबार विविध कार्यक्रम गर्दै आएको छ ।