थानकोट ।

प्रहरी वृत्त थानकोटले चन्द्रागिरि नगरपालिका-५मा जुवातासमा रमाइरहेका ६ जनालाई नियन्त्रणमा लिएको छ ।

प्रहरीका अनुसार सो क्रममा ६१ वर्षीय घरबेटीसहित ६ जनालाई शुक्रबार दिउँसो रंगेहात पक्राउ गरिएको हो ।

विशेष सूचनाको आधारमा प्रहरी वृत्त थानकोटबाट खटिएको प्रहरीले उनीहरूलाई नगद १६ हजार ७ सय १५ रूपैयाँ र ३ बुक ताससहित पक्राउ गरेको बताइएको छ ।

सो प्रकरणका सम्बन्धमा आवश्यक अनुसन्धान भइरहेको प्रहरी वृत्त थानकोटले जनाएको छ ।