थानकोट ।

बागमती प्रदेश सरकारको स्वास्थ्य मन्त्रालयले थानकोटस्थित चन्द्रागिरि नगर प्राथमिक अस्पतालका लागि २५ लाख रूपैयाँ बजेट विनयोजन गरेको छ ।

आगामी आर्थिक वर्षका लागि बागमती प्रदेश स्वास्थ्य मन्त्रालय अन्तर्गत थानकोट स्वास्थ्य चाैकीको सबलीकरणका लागि  ५ लाख तथा पुरानो नैकाप स्वास्थ्य चाैकी सबलीकरणका लागि १० लाख रूपैयाँ विनियोजन भएको छ ।

यसै गरी किसीपिडीस्थित शहरी स्वास्थ्य केन्द्रमा जनशक्ति व्यवस्थापनका लागि ५ लाख रूपैयाँ विनियोजन भएको छ ।  

चन्द्रागिरि नगरपालिकाका विभिन्न विद्यालयमा कार्यरत विद्यालय नर्सहरूका लागि बागमती प्रदेश सरकारले २४ लाख ८० हजार रूपैयाँ विनियोजन गरेको छ ।

बागमती प्रदेश सरकारले चन्द्रागिरि नगरका कुन योजनाका लागि कति बजेट दियो ? (सूचीसहित)

तस्बिरः प्रकाश गोपाली