आफ्नै भवनमा सर्यो चन्द्रागिरि नगरपालिका वडा नं. ११ को कार्यालय
Thankot Times
२०८० जेठ ४ गते २०:१८
थानकोट ।
चन्द्रागिरि नगरपालिका वडा नंं ११ सतुगंलको कार्यालय आफ्नै भवनमा सरेको छ ।
१९ फागुन २०७८ बाट निर्माण सुरू भएको सो वडाको कार्यालय भवन निर्माण सम्पन्न भएसँगै बिहीबारबाट कार्यालयले आफ्नै भवनबाट सेवा प्रदान गर्न सुरू गरेको हो ।
करिब २ करोड रूपैयाँ लागतमा निर्माण सम्पन्न भएको सो भवन हालसम्म चन्द्रागिरि नगरकै सबैभन्दा ठूलो वडा भवन हो । यसअघि वडा कार्यालय भाडाको घरबाट सञ्चालन हुँदै आएको थियो ।
स्थानीय निकाय गठन भएको ६ वर्ष बितिसक्दा चन्द्रागिरि नगरपालिकाका १५ वटा वडाहरू मध्ये वडा नंं ५ महादेवस्थान र ७ महादेवस्थान भने अझै भाडाको घरबाट नै सञ्चालन भइरहेका छन् ।
चन्द्रागिरि वडा नंं ११ को कार्यालय भवन निर्माण चैत्र मसान्तभित्र सक्ने लक्ष्य
ट्रेन्डिङ
