थानकोट ।

चन्द्रागिरि नगरपालिका-१४ नैकापस्थित ब्राइट फ्यूचर माविका संस्थापक तथा प्रधानाध्यापक दयाराम थापा निजी तथा आवासीय विद्यालय अर्गनाईजेशन नेपाल (प्याब्सन) को प्राज्ञिक परिषद् सदस्यमा मनोनीत हुनुभएको छ। 

प्याब्सन चन्द्रागिरिका संस्थापक अध्यक्ष समेत रहनुभएका थापाले प्याब्सनको काठमाडाैं जिल्ला सदस्य, केन्द्रीय सदस्य तथा सचिवालय सदस्यको जिम्मेवारी बहन गरिसक्नुभएको छ । थापा हाल चन्द्रागिरि नगर प्याब्सनको सल्लाहकार हुनुहुन्छ ।

करिब ४ दशकदेखी शैक्षिक क्षेत्रमा सक्रिय थापालाई प्याब्सनका अध्यक्ष डिके ढुंगानाले उक्त पदमा मनोनीत गर्नुभएको हो । 

प्याब्सनको प्राज्ञिक परिषद सदस्यमा मनोनित भएपछि थानकोट टाइम्सलाई संक्षिप्त प्रतिक्रिया दिनुहुँदै थापाले नेपालको शैक्षिक क्षेत्रको अनुसन्धान, स्तरोन्नति र शिक्षा क्षेत्रको विकासमा आफ्नो सक्दो सहभागिता रहने धारणा राख्नुभयो ।