थानकोट ।

नेपाल पब्लिक क्याम्पस संघ नेतृत्व लिन चन्द्रागिरि नगरपालिका-१० सतुगंलस्थित काठमाडाैं शिक्षा बहुमुखी क्याम्पसका प्रमुख शत्रुध्नप्रसाद गुप्ता लाेकतानत्रिक बाम गठबन्धनकाे तर्फबाट सर्वसम्मत उम्मेदवार चयन हुनुभएको छ । त्रिवि स्मृति भवनमा जारी संघको १२औं राष्ट्रिय महाधिवेशनमा गुप्ताको उम्मेदवारी सर्वसम्मत गर्न शुक्रबार अबेर राति सहमति भएको बताइएको छ।

देशभरका ५ सय ३२ भन्दा धेरै सामुदायिक क्याम्पसहरुको छाता संस्था नेपाल पब्लिक क्याम्पस संघको १२औं राष्ट्रिय अधिवेशनबाट शनिबार नयाँ कार्यसमिति चयन गर्ने कार्यतालिका रहेको छ।

निर्वाचन कार्यक्रम बिहान ११ बजेबाट साँझ ५ बजेसम्म जारी रहने नेपाल पब्लिक क्याम्पस संघको केन्द्रीय अध्यक्षमा शिवराज सञ्जेलले जानकारी दिनुभयो ।

शुक्रबारबाट सुरू भएको संघको १२औं राष्ट्रिय अधिवेशन शिक्षा, विज्ञान तथा प्रविधि मन्त्री अशोक राईले उद्घाटन गर्नुभएको थियो ।