थानकोट ।

थानकोट क्षेत्रको प्रतिष्ठित फुटबल प्रतियोगिता थानकोट गोल्डकपको चाैथो संस्करणको उपाधि कुर्दन फुटबल एकेडेमीले जितेको छ ।

प्रतियोगिता अन्तर्गत शनिबार सम्पन्न वीआर ब्रदर्शको ए टिम र कुर्दन एकेडेमी ए टिमको फाइनल खेल हेर्न हजाराैं दर्शकहरू गलबन फुटबल मैदान पुगेका थिए जहाँ कुर्दनले वीआर ब्रदर्शको ए टिममाथि ३-१ को जित निकाल्दै  ले उपाधि जितेको हो ।

उपाधिसँगै विजेता कुर्दनले नगद १ लाख रूपैयाँ, ट्रफी तथा मेडल प्राप्त गरेको छ ।

प्रतियोगिताको उपविजेता वीआर ब्रदर्शले ६० हजार रूपैयाँ नगद पुरस्कारको साथमा ट्रफी र मेडल हात  पार्याे ।

वीआर ब्रदर्श फुटबल क्लबको आयोजनामा प्रतियोगिता फाल्गुन ६ गतेबाट सुरू भएको हाे ।