थानकोट । 

कुर्दन एकेडेमीको ए टिम चाैथो थानकोट गोल्डकप फुटबल प्रतियोगिताको फाइनलमा प्रवेश गरेको छ । 

बुधबार सम्पन्न प्रतियोगिताको दोश्रो सेमीफाइनलमा वीआर ब्रदर्श फुटबल क्लबको बी टिममाथि ५-१ को एकपक्षीय जित निकाल्दै कुर्दन उपाधिनजिक पुगेको हो । 

कुर्दनले उपाधिका भिडन्तमा फाल्गुन २० गते शनिबार वीआर ब्रदर्श फुटबल क्लबको ए टिमसँग प्रतिस्पर्धा गर्नेछ । 

प्रतियोगिताको पहिलो सेमीफाइनल खेलमा मंगलबार विष्णुदेवी यूथ क्लबमाथि २-० को सहज जित निकाल्दै वीआर ब्रदर्श फुटबल क्लबको ए टिम उपाधि नजिक पुगिसकेको छ । 

चाैथो थानकोट गोल्डकपका विजेताले नगद १ लाख रूपैयाँ, ट्रफी तथा मेडल प्राप्त गर्नेछन् । त्यस्तै, प्रतियोगिताको उपविजेता टोलीले ६० हजार रूपैयाँ नगद पुरस्कारको साथमा ट्रफी र मेडल हात पार्नेछन् ।

प्रतियोगिताको व्यक्तिगत विधातर्फका विजेताहरूले जनही पाँच हजार रूपैयाँ नगद तथा ट्रफी प्राप्त गर्नेछन् । प्रतियोगिताको व्यक्तिगत विधातर्फ उत्कृष्ठ खेल काैशल प्रदर्शन गर्ने खेलाडीहरूले  जनही ५ हजार रूपैयाँ नगद, ट्रफी र मेडल पाउनेछन् ।