सुनको मूल्यमा सामान्य गिरावट, आज कतिमा हुँदैछ कारोबार?

थानकोट ।
मंगलबार नेपाली बजारमा सुनको मूल्य सामान्य घटेको छ।
मंगलबार सुनको मूल्य तोलामा २०० रुपैयाँले घटेको नेपाल सुनचाँदी व्यवसायी महासंघले जनाएको छ।
तोलामा २०० रुपैयाँले घटेपछि मंगलबार छापावाल सुनको मूल्य प्रतितोला १ लाख ३ हजार ८०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ३ हजार ३०० रुपैयाँ कायम भएको छ।
मंगलबार चाँदीको मूल्यमा भने कुनै फेरबदल आएको छैन। सोमबार जस्तै मंगलबार पनि चाँदीको मूल्य प्रतितोला १ हजार २९५ रुपैयाँ कायम भएको छ। सोमबार पनि चाँदीको मूल्य यथावत् रहेको थियो।