थानकोट ।

चन्द्रागिरि बचत तथा ऋण सहकारी संस्था लि.को परोपकारी अभियान उच्च शिक्षा छात्रवृत्ति कोषमा सहयोग प्राप्त हुने क्रम जारी रहेको संस्थाले जनाएको छ । हालसम्म सो कोषमा विभिन्न दाताहरूबाट ५१ लाख रूपैयाँ प्राप्त भएको र संस्थाले सो रकममा १० लाख रूपैयाँ थप गरेको बताइएको छ। पछिल्लोपटक सो कोषमा बेलायतको हाम्रो गुठीले पाँच लाख रूपैयाँ सहयोग गरेको संस्थाले जनाएको छ ।

सहकारीले हाम्रो गुठीबाट प्राप्त सहयोग रकम असहाय बालबालिकाहरूको संरक्षणमा क्रियाशिल समुदाय, वातावरण तथा बाल विकास संघ (ओसिसिएडी) नेपालका लागि सो संस्थामा रहेका बालबालिकाहरूको शैक्षिक भविष्यका लागि गत शनिबार एक कार्यक्रमका बीच हस्तान्तरण गरिएको चन्द्रागिरि साकोसका प्रमुख कार्यकारी अधिकृत कृष्णकुमार श्रेष्ठले जानकारी दिनुभयो ।

हाम्रो गुठीका महासचिव मणि थापाले सो सहयोग रकम ओसिसिएडी नेपालका अध्यक्ष विभोर श्रेष्ठलाई हस्तान्तरण गर्नुभएको हो ।

बेलायतमा बसोबास गरिरहेका नेपालीहरूको संस्था हाम्रो गुठीका सदस्य चन्द्रागिरि नगर निवासी सुमन कुँवरको पहलमा गुठीले सो रकम सहयोग गरिएको बताइएको छ ।