थानकोट ।

चन्द्रागिरि नगरपालिका-१३ पुरानो नैकापस्थित कंकाली माध्यमिक विद्यालयले आफ्ना विद्यार्थीहरू माथि हुने अभद्र व्यवहार कुनैपनि हालतमा स्वीकार्य नहुने जनाएको छ ।

आइतबार सामाजिक सञ्जालमा प्रेस विज्ञप्ती सार्वजनिक गर्दै विद्यालयले पछिल्ला केहिदिन यता विद्यालय व्यवस्थापनविरूद्ध कपोकल्पित समाचारजन्य सामाग्री प्रकाशन प्रसार भइरहेकोमा सो प्रति गम्भिर ध्यानाकर्षण भएको समेत बताएको छ ।

सो विद्यालयका कक्षा ७, ९ र १० का केहि छात्राहरूले आफुहरूमाथि विद्यालयकै केही शिक्षकहरूले दुर्व्यवहार गरेको भन्दै विद्यालय हाताभित्रै नाराबाजी गरेका दृश्य केही टेलिभिजनमा प्रसारण भएका थिए ।

विद्यालयद्धारा जारी प्रेस विज्ञप्तीमा विद्यार्थीहरूमाथि दुर्व्यहार भएको विषयप्रति विद्यालय गम्भिर भएको र सो को छानबिन गरि दोषीहरूमाथि कानुनसम्मत कारबाहीका लागि नगरको शिक्षा शाखामार्फत प्रहरीलाई समेत जानकारी गराइसकिएको जनाइएको छ ।

विज्ञप्ती हेर्नुहोस्