थानकोट ।

आइतबार चन्द्रागिरि नगरपालिका १३ नैकापबाट नियन्त्रणमा लिइएको चितुवा सदर चिडियाखाना, जावलाखेलमा पठाइएको छ ।

मानव बस्तीमा पसेर आतंक मच्चाउने चितुवालाई प्रहरी र वन कार्यालयको टोलीले नियन्त्रणमा लिएको थियो । सो चितुवाले ३ दिनदेखि नैकाप क्षेत्रका कुकुर खाने र बस्ती पसेर आतंक मच्चाउने गरेको थियो ।

आइतबार बिहान ७ बजे स्थानीयले चितुवा देखेर प्रहरीलाई खबर गरेका थिए । दिनभर चितुवा, वन कार्यालयका कर्मचारी र प्रहरीको लुकामारी भएको थियो । करिब दुई घण्टाको प्रयासपछि बेहोस बनाएर चितुवालाई नियन्त्रणमा लिइएको प्रहरी वृत्त थानकोटका प्रहरी प्रहरी प्रमुख डिल्ली नारायण पाण्डेले जानकारी दिए ।

जिल्ला वन कार्यालयले सो चितुवालाई सदर चिडियाखानाको जिम्मा लगाइएको जनाएको छ ।