थानकोट ।

नेपाली काँग्रेसका सभापति समेत रहेका प्रधानमन्त्री शेरबहादुर देउवाले मंसिर ४ गते हुने प्रतिनिधि सभा सदस्य निर्वाचनमा काठमाडौं क्षेत्र नम्बर १० मा पार्टीका उम्मेदवार राजन केसीलाई जिताएर पठाए मन्त्री बनाउने आश्वासन दिएका छन् ।

शुक्रबार साँझ सतुंगलमा आयोजित चुनावी सभालाई सम्बोधन गर्दै देउवाले भने, राजनजीलाई चुनाव जिताएर पठाउनुस्, मन्त्री बनाउने काम मेरो भयो ।’

आसन्न निर्वाचनमा देशका अधिकांश स्थानमा सत्तारुढ दलहरुको गठबन्धन हुँदा काठमाण्डाै क्षेत्र नं. १० मा माओवादी केन्द्रका छुट्टै उम्मेदवार छन् ।

प्रदेशसभा (१) तर्फ आफूलाई नछाडेको भन्दै माओवादीले स्थायी कमिटी सदस्य अञ्जना विशंखेलाई प्रतिनिधि सभा सदस्यको निर्वाचनमा उम्मेदवार उठाएको छ ।

एकीकृत समाजवादी भने कांग्रेससँगै छ । यस क्षेत्रको प्रदेश (१) मा कांग्रेसमा पुकार महर्जन र (२) मा एकीकृत समाजवादीका रमा आले मगर उम्मेदवार छन् ।