त्रिभुवन पार्क नजिकैको कोल्ड स्टोर फोडेर झोलामा मदिराका बोतल राख्दै गर्दा २ जना समातिए
Thankot Times
२०७९ कार्तिक ७ गते १९:५३
थानकोट ।
चन्द्रागिरि नगरपालिका-४ त्रिभुवन पार्क नजिकै रहेको देवरत्न कोल्ड स्टोरमा चाेरी गर्दै गरेकाे अवस्थामा दुई जना समातिएका छन्।
प्रहरी वृत्त थानकोटको गस्ती टोलीले कोल्डस्टोर (मदिरा पसल) फुटाएर चाेरी गर्दै गरेकाे अवस्थामा अर्घाखाँची छत्रदेव गाउँपालिका २ घर भएका ५८ वर्षीय अर्जुन बहादुर कुमाल र धादिङ त्रिपुरासुन्दरी गाउँपालिका २ घर भएका ५० वर्षीय अर्जुन अधिकारीलाई पक्राउ गरेको वृत्त प्रमुख प्रहरी नायब उपरीक्षक डिल्ली नारायण पाण्डेले जानकारी दिनुभयो । सो कोल्ड स्टोर देवरत्न महर्जनले संचालन गर्दै आएका थिए ।
पक्राउ परेका दुवैले सो पसलबाट मदिराजन्य सामाग्री झाेलामा राख्दै अवस्थामा रङ्गेहात समातिएको बताइएको छ। उनीहरूको साथबाट विभिन्न ब्राण्डका मदिराजन्य सामाग्री बरामद भएक प्रहरी वृत्त थानकोटले जनाएको छ ।
उनीहरूमाथि म्याद थप गरि अनुसन्धान जारी रहेको बताइएको छ।
ट्रेन्डिङ
