थानकोट ।

चन्द्रागिरि नगरपालिकाले नवाैं राष्ट्रिय खेलकुदका पदक विजेता खेलाडी तथा प्रशिक्षकहरूको सम्मान गर्ने भएको छ । 

आइतबार एक सूचना जारी गर्दै नगरले असोज २८ देखी कार्तिक ३ गतेसम्म गण्डकी प्रदेशमा सम्पन्न नवाैं राष्ट्रिय खेलकुदमा पदक प्राप्त चन्द्रागिरि नगरमा स्थायी रूपमा बसोबास गर्ने खेलाडी तथा प्रशिक्षकहरूको विवरण कार्तिक १५ गतेभित्र नगरपालिकाको कार्यालयमा पेश गर्न सबै वडाहरूमा अनुरोध गरेको छ । 

नगरका सामाजिक विकास समिति संयोजक तथा चन्द्रागिरि १५ का वडाध्यक्ष घनश्याम लुँइटेलले पदक विजेता खेलाडी तथा प्रशिक्षकहरूको सम्मान गर्ने निर्णय भएको जानकारी दिए ।