थानकोट ।

नैकाप गोल्डकपको आयोजक चन्द्रागिरि स्पोर्टस् एकेडेमीले यस वर्षदेखि प्रदान गरेको चन्द्रागिरि स्पोर्टस् अवार्डबाट राष्ट्रिय भलिबल खेलाडी प्रतिभा माली सम्मानित भएकी छिन् ।

एकेडेमीले चन्द्रागिरि नगर क्षेत्रमा स्थायी बसोबास गर्ने एक जना खेलाडीले नेपाली खेलकुद क्षेत्रमा पुर्याएको योगदानको कदर गर्दै सो सम्मान प्रदान गर्ने निर्णय बमोजिम यस वर्ष भलिबल खेलाडी प्रतिभा मालीलाई सम्मान गरिएको चन्द्रागिरि स्पोर्टस् एकेडेमीका अध्यक्ष कृष्णहरि बस्नेतले जानकारी दिए ।

सो पुरस्कारको राशी नगद पचास हजार रूपैयाँ रहेको छ । नागार्जुन नगरपालिकाका मेयर मोहन बस्नेतले सो सम्मानबाट राष्ट्रिय भलिबल खेलाडी प्रतिभा मालीलाई सम्मान गरेका थिए ।

सम्मानित भएपछि संक्षिप्त सम्बोधन गर्दै मालीले यस किसिमको सम्मानले खेलाडीहरूमा अझ उत्कृष्ठ खेल काैशल देखाउन हाैसला मिल्ने प्रतिक्रिया दिइन् ।