थानकोट ।

नेपाली काँग्रेस पार्टीले  मंगलबार बिहान चन्द्रागिरि नगरपालिका ०७ चेकपोष्टमा नगर स्तरीय भेला आयोजना गरेको छ ।

कार्यक्रममा उक्त पार्टीका पूर्वमहामन्त्री तथा सांसद् प्रकाशमान सिंह, काठमाण्डाै क्षेत्र नंं १० का सांसद् राजेन्द्रकुमार केसी, नेपाली काँग्रेसका केन्द्रीय सदस्य ध्यानगोविन्द रञ्जित, मोहनबहादुर बस्नेत, काठमाण्डाै क्षेत्र नं. १० क का सांसद् पुकार महर्जन, १० ख का सभापति धर्मनन्द श्रेष्ठ, नेपाली काँग्रेस काठमाण्डाैका अध्यक्ष सबुज बानियाँ, चन्द्रागिरि नगरका सभापति तथा मेयर घनश्याम गिरी लगायतको उपस्थिति रहेको थियो ।

कार्यक्रमका प्रमुख अतिथि रहेका सिंहले घर घरमा जाउ कांग्रेस जिताउ अभियानले देशभर राजनीतिक हलचल ल्याएकाे धारणा राख्नुभयो । नेता सिंहले जनताकाे घर घरमा पुग्दा शालिन र नम्र व्यवहार देखाउन समेत नेता र कार्यकर्तालाइ निर्देशन दिनु भयाे । त्यस्तै कार्यक्रममा बोल्दै केन्द्रीय सदस्य मोहनबहादुर बस्नेतले अब काठमाडौंले नै मुलुककाे नेतृत्व गर्ने अवसर आउने भएकाले याे अवसर नगुमाउन आग्रह गर्नुभयाे ।

सबै तस्बिरहरू सामाजिक सञ्जालबाट