थानकोट ।

साबिक उपविजेता ब्लु बेल एफसी नैकापमा जारी पाँचाै नैकाप गोल्डकपको अन्तिम ८ का लागि छनोट भएको छ ।

मंगलबार सम्पन्न खेलमा बलम्बु स्पोर्टस् क्लबलाई १-० पराजित गर्दै ब्लु बेलले क्वाटरफाइनलमा युथ हसनटारसँगको भेट पक्का गरेको हो ।

ब्लु बेलका लागि सुजित बुढाथोकीले खेलको दोश्रो हाफमा गोल गरेका थिए । बुढाथोकी खेलको प्लेयर अफ दि म्याच चुनिए ।

प्रतियोगिता अन्तर्गत बुधबार गणेशमान स्मृति फुटसल क्लब र कुर्दन फुटबल एकेडेमी तथा मध्यपुर जागरूक युवा क्लब र गोल्डस्टार युवा क्लबबीच खेल हुनेछ ।