थानकोट ।

तारकेश्वर युथ क्लब चन्द्रागिरि नगरपालिकामा जारी पाँचाै नैकाप गोल्डकपको क्वाटरफाइनलमा प्रवेश गरेको छ ।

मंगलबार ब्वाइज यूनियन क्लब विरूद्ध सडेन डेथमा ५-४ को जित हात पार्दै डिफेन्डिङ च्याम्पियन तारकेश्वर अन्तिम ८ मा प्रवेश गरेको हो । खेलको निर्धारित समयमा दुवै टोलीबाट समान १-१ गोल भएपछि सडेन डेथमा नतिजा निकालिएको थियो ।

यसअघि खेलको पहिलो हाफमा तारकेश्वरका विक्रम रानाले गोल गरेका थिए भने ब्वाइज यूनियनका योगेस श्रेष्ठले खेलको दोश्रो हाफमा गोल गर्दै खेल बराबरीमा ल्याएको थिए ।

सेमिफाइनल प्रवेशका लागि तारकेश्वरले असोज २८ गते वाणस्थली युथ सोसाइटीको सामना गर्नेछ ।

दिल कुमार तामाङ खेलको प्लेयर अफ दि म्याच चुनिए । मंगलबार नै ब्लुबेल एफ सी र बलम्बु स्पाेर्ट्सबीच खेल हुनेछ ।