थानकोट ।

आसन्न प्रदेश र प्रतिनिधि सभा सदस्य निर्वाचनका लागि आज देशका सबै मुख्य निर्वाचन अधिकृत र निर्वाचन अधिकृतको कार्यालयमा उम्मेदवारको मनोनयनपत्र दर्ता भएको छ । हाल उम्मेदवारहरूको संख्या र नाम रूजुको कार्य भइरहेको बताइएको छ ।

काठमाण्डाै ९ मा पनि उम्मेदवारको मनोनयनपत्र दर्ता सम्पन्न भएको छ । सो क्षेत्रका सहायक निर्वाचन अधिकृत नविन आचार्यले थानकोट टाइम्सलाई दिएको जानकारी अनुसार सो क्षेत्रमा कूल ४४ जनाले उम्मेदवारी दर्ता गराएका छन् । जसमा २२ जना संघ तर्फ र समान ११-११ जनाले प्रदेश क र ख का लागि उम्मेदवारी दर्ता गराएका हुन् ।