थानकोट, चैत्र १३ ।

निर्वाचन आयोगले आसन्न स्थानीय निर्वाचनका लागि मतदाताहरूको विवरण सार्वजनिक गरेको छ । जसअनुसार ३० वैशाखको निर्वाचनमा १ करोड ७७ लाख ३३ हजार ७ सय २३ मतदाता छन् । आइतबार आयोगले जारी गरेको विवरण अनुसार चन्द्रागिरि नगरमा कुल मतदाताको संख्या ४७ हजार २ सय ६४ रहेको छ । जुन गत स्थानीय निर्वाचनको तुलनामा ८ हजार ४ सय २८ ले बढी हो ।

चन्द्रागिरि नगरमा पुरूष मतदाता २२ हजार ८ सय तथा महिला मतदाताको संख्या २४ हजार ४ सय ६३ रहेको आयोगले सार्वजनिक गरेको विवरणमा उल्लेख छ, एक जना मतदाताको पहिचान खुलाइएको छैन् । त्यस्तै चन्द्रागिरि नगरमा स्थानीय निर्वाचनका लागि २२ मतदानस्थल तथा ५६ मतदान केन्द्र तोकिएका छन् ।

यसअघि २०७४ को स्थानीय निर्वाचनमा चन्द्रागिरि नगरमा ३८ हजार ८ सय ३६ मतदाताहरू रहेका थिए ।