थानकोट ।

पाँचाै संस्करणको नैकाप गोल्डकप अन्तर्गत पहिलो चरणका खेलहरू सकिएका छन् ।

शनिबार तीन खेल सम्पन्न भएसँगै समुह चरणका खेलहरू सकिएका हुन् ।  शनिबार सम्पन्न खेलहरूमा गुण केशरी युथ क्लब, क्लिन भिजन युनिटी क्लब र युथ हसनटार क्लब विजयी हुँदै दोश्रो चरणमा प्रवेश गरेका छन् । 

आयोजक चन्द्रागिरि स्पोर्टस् एकेडेमीले दोश्रो चरणका खेल तालिका दशैंपछि सार्वजनिक गर्ने जनाएको छ ।

समुह ए बाट तारकेश्वर युथ क्लब, ब्वाइज युनियन क्लब, वाणस्थली युथ सोसाइटी विजयी भएका छन् ।

त्यस्तै समुह बी मा गणेशमान स्मृति फुटलस क्लब , कुर्दन फुटबल एकेडेमी र गुणकेशरी युथ क्लब विजयी भएका छन् ।

त्यस्तै समुह सी अन्तर्गत मध्यपुर जागरूक युवा क्लब, गोल्डस्टार युथ क्लब र क्लिन भीजन युनिटी क्लब विजयी भएका छन् भने समुह डी का ब्लुबेल एफसी, बलम्बु स्पोर्टस् क्लब र युथ हसनटारले जित हात पार्दै अघिल्लो चरणमा प्रवेश गरेका छन् ।