थानकोट ।

पाँचाैं नैकाप गोल्डकप अन्तर्गत शुक्रबार सम्पन्न दिनको पहिलो खेलमा बलम्बु स्पोर्ट्स क्लब विजयी भएको छ ।

समुह डी को खेलमा दिपशिखा युवा समुहमाथि ३-० गोल अन्तरको सहज जित दर्ता गर्दै बलम्बुले दोश्रो चरणमा ब्लु बेलसँगको भेट पक्का गर्यो । बलम्बुका लागि आशिष श्रेष्ठ, राष्ट्रिय टोलीका स्ट्राइकर आयुष घलानले खेलको पहिलो हाफमा गोल गरेका थिए । विकास लामा खेलको दोश्रो हाफमा गोल गर्दै प्रतियोगितामा बलम्बुको जित सहज गराए । दिपशिखाका आलव दुलालले रातो कार्ड पाउँदै मैदान बाहिरिए । खेलका म्यान अफ दि म्याच बलम्बु स्पोर्टसका आशिष सोनाम चुनिए ।