थानकोट ।

पाँचाै संस्करणको नैकाप गोल्डकपमा राष्ट्रिय बी डिभिजन क्लब ब्वाइज यूनियनले विजयी सुरूवात गरेको छ ।

बुधबार चन्द्रागिरि नगरपालिका नैकापमा सम्पन्न दिनको दोश्रो खेलमा ब्वाइज यूनियनले मातृभूमी युवा क्लबलाई २-० पराजित गर्दै दोश्रो चरणमा तारकेश्वर युवा क्लबसँगको भेट पक्का गरेको हो । उद्घाटन खेलमा समुह ए अन्तरगत तारकेश्वरले वेष्ट काठमाणडाै एफसीलाई पराजित गरेको थियो ।

विजयी ब्वाइज युनियनका लागि दिवश बोहरा र जय मोक्तानले दोस्रो हाफमा समान १-१ गोल गरेका थिए । खेलको म् ब्वाइज युनियन क्लबका दिवश बोहरा म्यान अफ दि म्याच घोषित भए ।

यस्तै, बुधबार नै सम्पन्न समुह डी मा रहेका किटिनी भन्ज्याङ युवा क्लब र साबिक उपविजेता ब्लु बेल एफसीबीचको खेलमा ब्लु बेलले किटीनी भन्ज्याङ्ग युवा क्लबमाथि ३-१ को जित दर्ता गरेको छ । दोश्रो चरणमा ब्लु बेलको बलम्बु स्पोर्टस् क्लब र दिपशीखा युवा क्लबबीचको विजेतासँग खेल हुनेछ, यी दुईबीचको खेल शुक्रबार मध्यान्ह १२ः३० बजे हुनेछ । ।

प्रतियोगिता अन्तर्गत बिहीबार समुह सीमा रहेका गोल्डस्टार युथ क्लब र बी आर ब्रदर्श एफसीबीच दिउँसो २ः३० बजे खेल हुनेछ भने सो अघि मध्यान्ह १२ः३० बजे कुर्दन फुटबल एकेडेमी र गोल्डेन फ्लावर स्कुलबीच खेल हुनेछ ।