संघीय संसदका तीनवटा समितिको बैठक बस्दै
Thankot Times 
थानकोट ।
संघीय संसद अन्तर्गत आज मंगलबार तीन वटा समितिको बैठक बस्दैछ ।
संसद सचिवालयका अनुसार तीन वटै समितिको बैठक सिंहदरबारस्थित समितिका कार्यालयमा बस्नेछन् ।
जस अनुसार राज्य व्यवस्था तथा सुशासन समितिको बैठक दिउँसो २ः३० बजेवाट सुरू हुनेछ ।
जुन बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक,२०८० माथि कर्मचारी ट्रेडयुनियनसँग छलफल हुनेछ ।
विकास, आर्थिक मामिला तथा सुशासन समितिको बैठकमा भने खानेपानी, सरसफाइ र स्वच्छता सम्बन्धमा खानेपानी मन्त्रालयबाट भएका काम कारबाही र कार्यप्रगति र अगामी आर्थिक वर्षको बजेट र कार्यक्रम सम्बन्धमा मन्त्रालयको तयारीका बारेमा छलफल हुनेछ । जुन बैठक बिहान ११ः०० बजेबाट सुरू हुने जनाइएको छ ।
साथै, विधायन व्यवस्थापन समितिका बैठक दिउँसो १ः०० बजेबाट सुरू हुनेछ ।
जुन बैठकमा संविधान अनुसार बन्न बाँकी कानूनहरुको सम्बन्धमा प्रधानमन्त्री तथा मन्त्रिपरिषद्को कार्यालयसँग छलफल हुनेछ ।
ट्रेन्डिङ
