थानकोट।

भृकुटीमण्डप परिसरमा व्यवसाय तथा कार्यालय सञ्चालन गरिरहेका विभिन्न ५१ व्यक्ति तथा संघसंस्थाले करिब ८ करोड ४२ लाख रुपियाँभन्दा बढी बक्यौता तिर्न अटेर गरेका छन् । 

समाज कल्याण परिषद्अन्तर्गको भृकुटीमण्डप व्यवस्थापन विभागले पसल, कबल, स्टल, भवनलगायतले जग्गाजमिन भाडामा लिई व्यवसाय गरेका उनीहरूलाई हिसाब मिलान गर्न पटकपटक पत्राचार, निर्देशन एवं सूचना प्रकाशित गर्दा पनि तिर्न अटेर गरेका हुन् । बक्यौता नतिर्नेमा कतिपय विगतका र कतिपय हाल व्यवसाय तथा संघसंस्था सञ्चालन गरेकाहरू छन् । 

त्यस्तै दोस्रोमा राष्ट्रिय अपांग महासंघ रहेको छ । महासंघले पनि गत असारदेखि पुससम्मको ९७ लाख ९५ हजार रुपियाँ तिरेको छैन । 

यस्तो बक्यौता नतिर्नेमा ऋषि धमलाको रिपोटर्स क्लब पनि रहेको छ । क्लबले कार्यालय सञ्चालन गरेबापत परिषद्लाई तिर्नुपर्ने ४६ लाख ५८ हजार ६४९ रुपियाँ तिरेको छैन । त्यस्तै पत्रकार महासंघले पनि बक्यौता तिरेको छैन । महासंघले पुस मसान्तसम्मको तिर्नुपर्ने २७ लाख ७१ हजार रुपियाँ बक्यौता छ । 

परिषद्ले ती व्यक्ति तथा संघसंस्थालाई ३५ दिनभित्र बक्यौता बुझाई हिसाब मिलान गर्न निर्देशन दिएको छ ।

साथै, तोकिएको समयभित्र पनि तिर्नुपर्ने रकम नतिरेमा असुलीका लागि कानुनी कारबाहीको प्रक्रियासमेत अगाडि बढाउने परिषद्ले चेतावनी दिएको छ ।