थानकोट ।

नेपाली बजारमा बिहीबार सुनको मूल्य तोलामा १ लाख ८० हजार नाघेको छ ।

नेपाली बजारमा यो मूल्य हालसम्मकै सबैभन्दा उच्च हो । 

बिहीबार सुनको मूल्य तोलाको १ लाख ८० हजार ३ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ । 

महासंघका अनुसार बुधबार छापावाल सुनको मूल्य तोलामा १ लाख ७९ हजार १०० रुपैयाँ कायम भएको थियो ।

अघिल्लो दिनको तुलनामा बिहीबार सुनको मूल्य तोलामा १ हजार २ सय रुपैयाँ बढेर हालसम्मकै उच्चबिन्दुमा पुगेको हो । 

बिहीबार नेपाली बजारमा चाँदीको मूल्य अघिल्लो दिनको तुलनामा घटेको छ ।

बिहीबार चाँदीको भाउ तोलाको १ हजार ९ सय ९५ रुपैयाँ कायम भएको महासंघले जनाएको छ ।