यू-१९ यूथ ओडिआई सिरिजः नेपाल र अफगानिस्तानबीच आज पहिलो खेल हुँदै
Thankot Times
२०८१ चैत २१ गते ८:३५
थानकोट ।
काठमाडाैंमा आजबाट नेपाल यू-१९ र अफगानिस्तान यू-१९ क्रिकेट टोलीबीच तीन खेलको यूथ ओडिआई शृंखला सुरु हुँदैछ ।
शृंखलाअन्तर्गत पहिलो खेल आज बिहान ९:३० बजेदेखि मुलपानी क्रिकेट मैदानमा सुरु हुनेछ ।
यही महिना नेपालमै हुने आईसीसी यू-१९ विश्वकप छनोटको तयारीस्वरूप यस शृंखला हुन लागेको हो ।
विश्वकप छनोट मुलपानीमै खेलाइने छ ।
उक्त खेलहरू वाइओडिआई (यूथ वान डे इन्टरनेशनल) अर्थात् उमेर समूहको एकदिवसीय अन्तर्राष्ट्रिय मान्यताको हुनेछ ।
दोस्रो खेल ६ अप्रिल र तेस्रो खेल ९ अप्रिलमा हुनेछ । नेपाली यू-१९ टोलीले यसअघि दिल्लीसँगको अभ्यास शृंखला खेलेको थियो ।
ट्रेन्डिङ
