सरकारले तीनकुने घटनामा परि मृत्यु भएका व्यक्तिको परिवारलाई १०-१० लाख रुपैयाँ दिने
Thankot Times
२०८१ चैत २० गते १६:५४
थानकोट ।
नेपाल सरकारले काठमाडाैंको तीनकुनेमा चैत्र १५ गते भएको घटनामा परि ज्यान गुमाएका युवाहरूको परिवारलाई जनही १० लाख रुपैयाँ दिने भएको छ ।
गृहमन्त्रीस्तरीय निर्णयबाट सो घटनामा परि निधन भएका सुरेश रजक र सविन महर्जनको परिवारलाई १०-१० लाख रुपैयाँ उपलब्ध गराउने निर्णय गरिएको गृहमन्त्री रमेश लेखकको सचिवालयले जनाएको छ ।
राजावादीले चैत १५ गते काठमाडौंको तीनकुनेमा आयोजना गरेको प्रदर्शनका क्रममा दुई जनाको ज्यान गएको थियो ।
पत्रकार रजकको आगोमा जलेर र कीर्तिपुरका महर्जनको गोली लागेर ज्यान गएको थियो ।
मृतक महर्जनको मंगलबार अन्तेष्टी भइसकेको छ भने रजकको अहिले अन्तेष्टीको तयारी भइरहेको छ ।
ट्रेन्डिङ
