भाटभटेनी सुपर मार्केटलाई लुटपाट र तोडफोडबाट जोगाउने सुरक्षागार्डलाई सम्मान
Thankot Times
२०८१ चैत २० गते ११:१९
थानकोट ।
चैत १५ गते कोटेश्वरस्थित भाटभटेनी सुपर मार्केटलाई लुटपाट र तोडफोडबाट जोगाउने सुरक्षागार्डलाई सम्मान गरिएको छ ।
भाटभटेनीका सञ्चालक मीनबहादुर गुरुङले बुधबार सुरक्षागार्ड दुलप्रसाद पराजुलीलाई बुधबार पाँच लाख एक हजार १११ रुपैयाँ नगद पुरस्कारसहित सम्मान गरेका हुन् । उनको पाँच ग्रेड बढुवा पनि गरिएको छ ।
चैत १५ गते काठमाडौंको तीनकुनेमा राजावादीले प्रदर्शन गरेका थिए ।
प्रदर्शनले उग्ररूप लिएपछि दुई जनाको ज्यान गएको थियो ।
प्रहरीले प्रदर्शनलाई तितरबितर पारेपछि एक समूहले कोटेश्वरस्थित भाटभटेनीमा गएर लुटपाट गरेको थियो ।
लुटपाट गर्ने समूहलाई सुरक्षागार्ड पराजुलीसहिको टोलीले प्रतिकार गरेको थियो ।
सुरक्षागार्डले लाठीचार्ज गरेको भिडियो फुटेज बाहिरिएपछि उनीहरूको प्रशंसा भएको थियो ।
ट्रेन्डिङ
