एमालेले आज काठमाडाैं बृहत् मोटरसाइकल र्‍याली प्रदर्शन गर्दै, तीनथानाबाट पनि र्याली निस्कने

Thankot Times

थानकोट ।

नेकपा (एमाले) बागमती प्रदेश कमिटिले काठमाडाैंमा आज बृहत् मोटरसाइकल र्‍याली प्रदर्शन गर्ने भएको छ। प्रतिगामी हर्कतको विरोध गर्दै एमालेले मोटरसाइकल र्‍यालीमार्फत शक्ति प्रदर्शन गर्न लागेको हो।

अहिले गणतन्त्रको विरोध गर्दै राजतन्त्र फर्काउनुपर्ने आवाज उठ्न थालेको छ, राजतन्त्र पक्षधरले आन्दोलनका नाममा अराजक गतिविधि गरेको भन्दै चौतर्फी विरोध भइरहेको छ। अराजक र प्रतिगामी हर्कतविरुद्ध उत्रिएको एमालेले काठमाडाैंसहित देशभर विरोध प्रदर्शन गर्न लागेको हो।

सोमबार जिल्ला-जिल्लामा जनप्रदर्शन र जागरण सभा गर्ने एमालेको तयारी छ। जागरण सभा नहुने जिल्लाहरूमा मोटरसाइकल र्‍याली प्रदर्शन गर्ने एमालेको देशव्यापी कार्यक्रम अनुसार काठमाडाैंमा पनि र्‍याली प्रदर्शन गर्न लागिएको हो।

यसैबीच चन्द्रागिरि नगरपालिका-१५ तीनथानाबाट पनि मोटरसाइकल र्याली निस्कने भएको छ ।

नेकपा एमाले चन्द्रागिरि नगर कमिटि अध्यक्ष उत्तम बहादुर राउतका अनुसार र्याली अपरान्ह ४ बजे सुरु हुनेछ । सो र्याली काठमाडाैंको तीनकुनेसम्म पुग्नेछ ।


Leave a Reply

Your email address will not be published. Required fields are marked *