मातातीर्थस्थित जमुना डाँडा वनमा भएको आगलागी नियन्त्रणमा
Thankot Times
२०८१ चैत १६ गते २०:०५
थानकोट ।
चन्द्रागिरि नगरपालिका वडा नं. ८ मातातिर्थस्थित जमुना डाँडा सामुदायिक वनमा शनिबार भएको आगलागी नियन्त्रणमा लिइएको छ ।
मातातीर्थस्थित प्रहरी प्रभागका अनुसार बिहान साढे ८ बजेबाट लागेको आगो साँझ नियन्त्रणमा लिइएको हो ।
आगलागी भएको स्थाननजिकै विद्युत् प्राधिकरणको प्रसारण लाइनसमेट रहेको थियो ।
स्थानीय जनप्रतिनिधि, स्थानीयबासी, नेपाल प्रहरी, चन्द्रागिरि नगरप्रहरी, सशस्त्र प्रहरी लगायतको सक्रियतामा साँझबाट आगलागी नियन्त्रणमा लिइएको चन्द्रागिरि नगरकार्यपालिका सदस्य सवना कार्की बानियाँको भनाइ छ । आगलागी नियन्त्रणमा लिन चन्द्रागिरि नगरको बारुण यन्त्र समेत प्रयोग गरिएको थियो ।
आगलागीको कारण भने अझै थाहा हुन सकेको छैन् ।
ट्रेन्डिङ
