थानकोट ।

पूर्वी एशियाली देश थाइल्यान्ड र म्यानमारमा शुक्रबार बिहान शक्तिशाली भूकम्प गएको छ ।

समाचार संस्था एपीका अनुसार अमेरिकी भूगर्भ सर्वेक्षण र जर्मनीको जीएफजेड सेन्टर फर जियोसाइन्सले भूकम्पको केन्द्रविन्दु म्यानमारमा रहेको बताएका छन् ।

एपीका अनुसार थाइल्यान्डको राजधानी बैंककमा पनि भूकम्पको शक्तिशाली झट्का महसुस गरिएको छ ।

त्यहाँका धेरै भवन खाली गराइएको छ ।

अमेरिकी भू-गर्भ सर्वेक्षणले ७.७ म्याग्निच्युडगको भूकम्प गएको बताएको छ ।

चीनको सरकारी समाचार एजेन्सी सिन्ह्वाले चाइना अर्थक्वेक नेटवर्क सेन्टरलाई उदृत गर्दै भूकम्पको तीव्रता ७.९ म्याग्निच्युड रहेको जनाएको छ । (बीबीसीबाट)