‘बहिनीलाई जिस्क्याएको निहुँमा’ ललितपुरमा युवकको विभत्स हत्या
Thankot Times
२०८१ चैत १४ गते ११:०१
थानकोट ।
ललितपुरको इमाडोलस्थित ओचु हाइटमा एकजना युवकको हत्या भएको छ ।
रामेछाप घर भएर महालक्ष्मी नगरपालिका–४ ओचु हाइट बस्ने ३० वर्षीय रिपक खातीको हत्या भएको जिल्ला प्रहरी परिसर ललितपुरका एसपी नरहरि रेग्मीले बताए ।
बिहीबार बिहान पौने १ बजेतिर रामेछाप घर भएका सुमन रसाइलीले उनलाई खुकुरी प्रहार गरेर हत्या गरेका हुन् ।
हत्यामा संलग्न २५ वर्षीय रसाइलीलाई पक्राउ गरिएको एसपी रेग्मीले जानकारी दिए ।
आपसमा विवाद हुँदा आरोपीले खुकुरी प्रहार गरेका हुन् ।
मृतकको घाँटीको दुवै भाग र गालामा चोट देखिएको छ ।
खातीको शव परीक्षणका लागि अहिले पाटन अस्पतालमा राखिएको छ ।
ट्रेन्डिङ
