थानकोट ।

टोखा नगरपालिकास्थित झोर क्षेत्रबाट सोमबार राति २५ करोड रुपैयाँ बराबरको यूरो र अमेरिकी डलरसहित पक्राउ परेका व्यक्तिलाई प्रहरीले सार्वजनिक गरेको छ । 

ना. ७ ख १६५२ नम्बरको ट्रकमा लुकाएर सो रकम लाँदै गरेको अवस्थामा प्रहरीले सिन्धुपाल्चोकका ४३ वर्षीय कुसान लामालाई पक्राउ गरेको  थियो।

लामा रसुवाको केरुङतर्फ जाँदै गरेको प्रारम्भिक अनुसन्धानबाट खुलेको छ ।

पक्राउ परेका लामालाई प्रहरीले मंगलबार दिउँसो पत्रकार सम्मेलनमार्फत सार्वजनिक गरेको छ ।

प्रहरीका अनुसार उनी यसअघि सुन तस्करी प्रकरणमा समेत समातिएका थिए । उनी ७ किलो सुन सहित कलंकीबाट समातिएर २०७८ मा छुटेका थिए ।

उनीमाथि थप अनुसन्धान जारी छ ।

तस्वीरः सामाजिक सञ्जालबाट