माईतिघर नजिकै स्कुटर दुर्घटना, २० वर्षीय युवतीको ज्यान गयो
Thankot Times
२०८१ फागुन १६ गते २१:५०
थानकोट ।
काठमाडौंको बानेश्वरबाट माईतिघरतर्फ गइरहेको एक स्कुटर दुर्घटनामा पर्दा एक युवतीको निधन भएको छ ।
प्रहरीका अनुसार काठमाडौं महानगरपालिका-११ स्थित सडकमा बानेश्वरबाट माईतिघर मण्डलातर्फ जाँदै गरेको बा.प्र.०६-००१ प ८५१५ नम्बरको स्कुटर अनियन्त्रित भई शुक्रबार बिहान दुर्घटना भएको थियो ।
सो दुर्घटनामा स्कुटरमा सवार चितवन भरतपुर महानगरपालिका–११ घर भई काठमाडौं तार्केश्वर नगरपालिका–५ गोलढुंगा बस्ने २० वर्षीया सञ्जिता महत्तोको मृत्यु भएको हो ।
दुर्घटनामा गम्भीर घाइते भएकी उनको राष्ट्रिय ट्रमा सेन्टरमा उपचारको क्रममा मृत्यु भएको हो ।
स्कुटर चालकलाई नियन्त्रणमा लिएको प्रहरीले जानकारी दिएको छ ।
ट्रेन्डिङ
