थानकोट ।

चेकपोष्ट-गुर्जुधारा सडक खण्डमा पछिल्ला दिन सवारीसाधनको चाप अत्यधिक हुन थालेको छ । 

बिहान ८ बजेबाट ११ बजेसम्म र दिउँसो ४ बजेपछि यस सडक खण्डमा सवारी साधनको चाप थेगि नसक्नु हुन थालेको हो । 

चन्द्रागिरि नगरपालिका-०५ स्थित नेपाल टेलिकमको कार्यालय अघिल्तिर सुरुङ मार्गसम्म पुग्न पहुँच मार्गका लागि फ्लाइओभर निर्माणको कार्य जारी रहँदा सडकमा भने सवारी साधनको चाप बढेको हो । 

दुई लेन सडक खुम्च्याएर एक लेनमात्रै सञ्चालन गरिँदा गुर्जुधारातर्फ जाने सडकमा सवारीसाधनको चाप बढि रहेको हो । 

 फ्लाइओभर निर्माणस्थलमा पछिल्लो समय सडक कालोपत्रेको कार्यसमेत भइरहेकोले यस क्षेत्रमा सडकमा सवारीसाधनको चाप बढेको हो । यद्यपी यो समस्या अब केही दिनमा निराकरण हुने बुझिएको छ ।