थानकोट ।

चन्द्रागिरि नगरपालिका-२ स्थित नागढुङ्गा चेक प्वाइन्टबाट ३१८ ग्राम सुनसहित दुई जना युवा पक्राउ परेका छन् ।

प्रहरीका अनुसार काँकडभिट्टाबाट काठमाडौँ आउँदै गरेको यात्रु बसमा सवार भारत घर भएका २७ वर्षीय महेश अम्रुत मानि र २४ वर्षीय राहुल खंडु सरक सो सुन सहित पक्राउ परेका हुन् ।

बा.प्र.०१-००२ ख ०५४२ नम्बरको यात्रुवाहक बसलाई लागु औषध नियन्त्रण ब्युरो र प्रहरी प्रभाग नागढुंगाबाट खटिएको टोलीले चेकजाँच गर्दा सुन भेटिएको हो ।

बसको स्लिपर सिटमा महेश अम्रुतले आफू सुतेको सिरानी मुनि कागजमा बेरेर ल्याएको अवस्थामा सुन भेटिएको हो ।

घटनाबारे प्रहरी वृत्त थानकोटले अनुसन्धान गरिरहेको छ ।

एआई इमेज