नगरकोट पिकनिक गएर फर्किएको स्कुल बस शंखरापुरमा दुर्घटना, तीन जनाको मृत्यु

थानकोट ।

काठमाडौँको शंखरापुर नगरपालिका–५ साँखुस्थित कात्तिकेमा स्कुल बस दुर्घटना हुँदा मृत्यु हुनेको संख्या ३ पुगेको छ । चाबहिलस्थित एसएस एकेडेमीको बा २ ख ७०५८ नम्बरको बस दुर्घटना हुँदा ३ जनाको मृत्यु भएको जिल्ला प्रहरी परिसर काठमाडौँका एसपी अपिलराज बोहराले बताए ।

शंखरापुर अस्पतालमा उपचारको क्रममा सुसाङ्क डोटेलको मृत्यु भएको छ । नेपाल मेडिकल कलेजमा एकजना र त्रिवि शिक्षण अस्पतालमा उपचारको क्रममा एकजनाको मृत्यु भएको एसपी बोहराले जानकारी दिए ।

पिपुल्स लाइफ केयर अस्पतालमा २४ जना, शंखरापुर अस्पतालमा ३ जना, नेपाल मेडिकल कलेजमा १० जना र त्रिवि शिक्षण अस्पतालमा ३ जनाको उपचार हुँदैछ । स्कुल व्यवस्थापन, शिक्षकहरू र विद्यार्थी सवार बस नगरकोटमा पिकनिक गएर फर्किँदा दुर्घटनामा परेको हो । सुन्दरीमाई यातायात सेवाको सो बस ब्रेक फेल भएर दुर्घटना भएको प्रहरीको प्रारम्भिक अनुसन्धान निष्कर्ष छ । बस सिन्धुपाल्चोक घर भएका ३९ वर्षीय मनिष माझीले चलाएका थिए ।

दुर्घटनामा परेर घाइते हुनेहरुः

१. फिलिप लामा (१० वर्ष, पिपुल्स लाइफ केयर)

२. प्रज्वल थापा (१० वर्ष, पिपुल्स लाइफ केयर)

३. भिम तामाङ, (११ वर्ष, पिपुल्स लाइफ केयर)

४. राम परियार (१६ वर्ष, १० वर्ष, पिपुल्स लाइफ केयर)

५. सुजन मगर (१६ वर्ष, पिपुल्स लाइफ केयर)

६. सिरिसा सिवेदी (१२ वर्ष, पिपुल्स लाइफ केयर)

७. प्रकाश बम (१६ वर्ष, पिपुल्स लाइफ केयर)

८. साधन विष्ट, (१२ वर्ष, पिपुल्स लाइफ केयर)

९. आराध्या शाह (१० वर्ष, पिपुल्स लाइफ केयर)

१०. आशिष तामाङ (१५ वर्ष, पिपुल्स लाइफ केयर)

११. स्नेहा राई (२१ वर्ष, पिपुल्स लाइफ केयर)