मच्छेगाउँमा इनार खन्ने क्रममा एक पुरुष इनारभित्र फसे, प्रहरीद्वारा उद्दार (भिडिवो)
Thankot Times
२०८१ माघ २९ गते १६:११
थानकोट ।
चन्द्रागिरि नगरपालिका-९ मच्छेगाउँमा इनार खन्ने क्रममा बेहोस भएका एक जना श्रमिकको उद्धार गरिएको छ ।
मच्छेगाउँस्थित टाैखेलमा नयाँ इनार खन्ने क्रममा माथिबाट माटो झरेपछि सो इनार भित्रै बेहोस भएका पुरुषको प्रहरीले उद्धार गरेको हो ।
उद्धारपछि उनलाई अस्पताल लगिएको चन्द्रागिरि नगरपालिका वडा नं. ९ का वडाध्यक्ष अच्युत अधिकारीले जानकारी दिए ।
दिउँसो करिब १४:३५ बजे सो घटना भएको हो ।
सुनसरीको इनरूवा ५ घर भएका करिब ४० वर्षीय लिडे उडाउ नाम गरेका श्रमिक इनारमा फसेका थिए ।
उनको बलम्बुस्थित सशस्त्र प्रहरी अस्पतालमा उपचार भइरहेको प्रहरी वृत्त थानकोटले जनाएको छ ।
उनको स्वास्थ्य अवस्था गम्भीर रहेको बताइएको छ ।
सो उद्धार कार्यमा नेपाल प्रहरी, सशस्त्र प्रहरीबाट विपद् उद्धार टोली लगायत स्थानीय बासीहरू खटिएका थिए ।
ट्रेन्डिङ
